കമ്മ്യൂണിസ്റ്റാവുകയെന്നാൽ നട്ടെല്ലുനിവർത്തി മനുഷ്യനായി തലയുയർത്തി നിൽക്കാനുള്ള ശ്രമത്തിൻ്റെ തുടക്കമാണ്. അവിശ്വാസിക്കും വിശ്വാസിക്കും സകലമനുഷ്യർക്കും ചൂഷണരഹിതമായൊരു ലോകത്ത് ജീവിക്കാനാവുമെന്ന ജീവൻതന്നെ തീറെഴുതുന്ന ഒരു പ്രതീക്ഷയാണ്. നാം ജീവിക്കേണ്ടലോകം എങ്ങനെയായിരിക്കണമെന്നും അതിനായി പ്രവർത്തിക്കേണ്ടതുണ്ടെന്നുമുള്ള ഒരു തിരിച്ചറിവിൽനിന്നാണ് ഇത് രൂപപ്പെടുന്നത്. അങ്ങനെയൊരു നിമിഷത്തിലാണ് നിങ്ങളിപ്പോൾ. ഇപ്പോൾ നിങ്ങളുടെ മുന്നിലൂടെ വിമോചനപ്പോരാട്ടങ്ങൾക്ക് തങ്ങളെതന്നെ സമർപ്പിച്ചവരുടെ ഒരു നീണ്ടനിര ഒഴുകിപോവുകയാണ്, ഉയർത്തിപ്പിടിച്ച ശിരസ്സുമായി... • രക്തസാക്ഷിത്വത്തിൻ്റെ പുസ്‌തകം

പ്രപഞ്ചത്തിൻ്റെ വശ്യമായ സൗന്ദര്യത്തെപ്പോലും അതിലംഘിക്കുന്ന സുകൃതംനിറഞ്ഞ ചില ജീവിതങ്ങൾ... ഇതുകൊണ്ടായിരിക്കാം ജീവിച്ച് കൊതിതീരാത്തത്.

ഇതു വനങ്ങളെക്കുറിച്ചുള്ള ഒരു ഗവേഷണ പുസ്‌തകമല്ല. ഭാഗികമായ സത്യവും ഭ്രമകല്പനകളുമടങ്ങിയ ഒരു സാഹിത്യകൃതിയുമല്ല. തങ്ങളുടെ ആദർശങ്ങൾക്കായി സ്വയം ജീവത്യാഗംചെയ്യാൻ സന്നദ്ധരായ, വ്യവസ്ഥാപിതത്വം നിയമനിഷ്കാസിതരാക്കിയ മാവോയിസ്റ്റ് ഗറില്ലകളുടെയും അവരെ പിന്തുണക്കുന്ന ഗോത്രവർഗ്ഗ ജനതയുടെയും ചോരപടർന്ന സമരജീവിതം. ഒരു പത്രപ്രവർത്തകൻ്റെ മാവോയിസ്റ്റ് ഗറില്ലാ സമരഭൂമിയിലൂടെയുള്ള യാത്രാനുഭവങ്ങൾ.

വേനലിനെ തണൽകൊണ്ടു പുതപ്പിക്കുകയാണ് ഈ കവിതകളിലൂടെ മഹേഷ്. പ്രണയം ഇവിടെ ഒരു ദർശനമായിമാറുന്നു. പ്രണയത്തെക്കുറിച്ച് ഞാൻ പറയാതെപോയ വരികൾ ഈ കവിതകളിലുണ്ട്. പറയേണ്ടുന്നവയും...... വ്രണിതമല്ലാത്ത ഒരു തീവ്രധ്യാനത്തിനായി വാതായനംചാരി കവിതയുടെ തുടക്കത്തിന് കണ്ണുകൾ തുറന്ന് തപസാരംഭിക്കുകയാണ് കവി.