അദമ്യമായ സ്വാതന്ത്ര്യബോധമുള്ള ഒരെഴുത്തുകാരൻ ആത്യന്തികമായി ചെന്നെത്തുന്നത് മാനവികതയുടെ ഹരിതതീരങ്ങളിലേക്കായിരിക്കുമെന്ന് സ്വയം പ്രഖ്യാപിക്കുന്ന നോവലുകളാണ് ഗ്രഹാം ഗ്രീനിന്റേത്. പശ്ചാത്തല വൈവിധ്യവും സമ്പന്നതയുംകൊണ്ട് സമൂഹസീമയിൽ കലങ്ങിമറിഞ്ഞ് വിവിധ വർണ്ണങ്ങളോടെ തേട്ടിത്തേട്ടിവരുന്ന മനുഷ്യജീവിതത്തെ നിരങ്കുശതയോടെ വർണ്ണിക്കുന്ന കഥാലോകം. മതവും മാർക്സിസവും തമ്മിലുള്ള ക്രിയാത്മകമായ സംവാദം പ്രമേയമാകുന്ന അത്യുദാത്തമായ ഒരു സമകാലിക ക്ലാസിക് കൃതി.

മനുഷ്യമനസ്സിൻ്റെ സങ്കടങ്ങളും സങ്കീർണ്ണതകളും സംഘർഷങ്ങളും സ്വപ്നങ്ങളും ഭാവസാന്ദ്രമായി കാവ്യകലയിലെന്നപോലെ ഇതൾ വിടരുന്നു. കാവ്യലോകത്തെ വിസ്‌മയിപ്പിച്ചു ഒരു മഹാകവിയുടെ ഭാവഗീതികൾപോലെ പ്രണയോഷ്‌മളങ്ങളായ രണ്ടു നോവലുകൾ.

ഒരു സ്ത്രീയുടെ ജീവിതത്തിലെ ഏറ്റവും പ്രധാനപ്പെട്ട ജീവിതകാണ്ഡമായ ദാമ്പത്യബന്ധത്തെ ആത്മനൊമ്പരങ്ങളോടെ, അനുഭവവൈപുല്യത്തോടെ ആവിഷ്കരിക്കുന്നു. ദൈന്യതയ്ക്കപ്പുറം പുതിയ ജീവിതം നൽകുന്ന ശുഭപ്രതീക്ഷകൾ.

മേഘങ്ങൾക്കും ഭൂമിയിലെ സർവ്വ ചരാചരങ്ങൾക്കുമിടയിൽ പീഡിതമായ തൻ്റെ ജൈവഋതുക്കൾ എരിച്ചുതിർത്ത ഒരു ചിത്രകാരനെ ജീവിതേതിഹാസം. സർറിയലിസ്റ്റിക് ഇമേജുകളുടെ രൂക്ഷസാന്നിദ്ധ്യം കൊണ്ട് തീവ്രതയാർന്ന ഒരു പെയിന്റിംഗ്‌ പോലെ അനുഭവങ്ങളുടെ കടുംവർണ്ണ ക്യാൻവാസ്

സംഭവപരമ്പരകളുടെ വിസ്മയകരമായ സ്വാഭാവികതയും സൂക്ഷ്മനിരീക്ഷണങ്ങളും കൃത്യതയാർന്ന വിവരണങ്ങളും രസകരമായ സംവേദനാനുഭവവുംകൊണ്ട് ഉദാത്തമായ ഒരു ക്ലാസിക് രചനയായി ഉയരുന്ന കൃതി. ബിഭൂതിഭൂഷണിൻ്റെ ചന്ദ്രപഹാഡ് എന്ന വിഖ്യാത നോവലിൻ്റെ മലയാള ഭാഷാന്തരം.