ചലനത്തെയും കാലത്തെയും സൗന്ദര്യത്തെയും സൂചിപ്പിക്കുന്ന വാക്കുകളുടെ ഭാവബിംബങ്ങളിൽ സംഗീതം ഉറഞ്ഞുകിടക്കുന്നു. ചലനം കാലത്തിൽ മൃത്യുവായും ജനനമായും വഴിപിരിയുന്ന മായാലോകം. ഭഞ്ജിക്കപ്പെടുന്ന നിശബ്ദത സംഗീതമല്ലെന്നു തെളിയിക്കുന്ന കഥാപ്രപഞ്ചം

പ്രാണസങ്കടങ്ങളുടെ കാഴ്ച്ചപ്പടർപ്പുകൾ. ചലനത്തിലെ നിശ്ചലത പ്രതിഫലിപ്പിക്കുന്ന യോഗാത്മകമായ കഥാമനസ്സ്. കാലിപനികം, ആധുനികം ആധുനികോത്തരം എന്നീ മുദ്രകളിലൊതുങ്ങാത്ത ആഖ്യാന ലാവണ്യം.... മലയാളത്തിൻ്റെ പ്രിയപ്പെട്ട കവയിത്രിയുടെ പ്രഥമ കഥാപുസ്ത‌കം

ജീവിതകാമനകകളിൽനിന്ന് ജ്വലിച്ചുയരുകയും ആവാഹിച്ചെടുക്കുകയും ചെയ്യുന്ന മായക്കാഴ്ചകൾ. മനുഷ്യജീവിതത്തിൻ്റെ അന്തസത്തയെത്തന്നെ ചോദ്യംചെയ്യുന്ന കഥാപ്രപഞ്ചം.

ജീവിതമേ നീ എന്ത്?, എന്ന് നാം വിസ്മയിച്ചുപോകുന്ന മികച്ച കഥകളുടെ സമാഹാരമാണ് മനോജ് കോടിയത്തിൻ്റെ 'കിമയ'. പാൻഡമിക് കാലത്തിൻ്റെ വിഹ്വലതകളും പ്രവാസ ജീവിതത്തിലെ സംത്രാസങ്ങളും ദാമ്പത്യത്തിലെ കാലുഷ്യങ്ങളും നിരുപാധികമാം സ്നേഹത്തിൻ്റെ ഉർവ്വരതയും മറ്റും ആഖ്യാനഭംഗിയോടെ തിരയടിക്കുന്ന കഥകൾ. കയ്യൊതുക്കത്തിൻ്റെ വൈഭവം ഓരോ കഥയെയും അവിസ്മരണീയമാക്കുന്നു. മൂന്നാം പതിപ്പിലെത്തുമ്പോൾ, കിമയ കൂടുതൽ വായനക്കാരിലേക്കെത്തുമ്പോൾ, കൂടുതൽ ചർച്ചകൾക്കിടയാകുമ്പോൾ, വ്യക്തിപരമായി എന്നിലുള്ള അഭിമാനവും സന്തോഷവും ഹൃദയപൂർവ്വം പങ്കുവെയ്ക്കട്ടെ. അംബികാസുതൻ മാങ്ങാട് കഥപറച്ചിലിൻ്റെ ലാളിത്യമാണ് മനോജ് കോടിയത്തിൻ്റെ കഥകളുടെ മുഖമുദ്ര. ഭ്രമാത്മകതയുടെ ലോകത്തെ 'ഒറ്റമൈന', ദുരൂഹമായ വഴികളിലൂടെ വായനക്കാരനെ കൊണ്ടുപോകുന്ന 'അയാൾ', കഥയുടെ ആദിമദ്ധ്യാന്തങ്ങൾ ക്രമം തെറ്റിച്ചെത്തുന്ന 'കിമയ', ഇനിയുമുണ്ട് കഥകൾ. പുസ്‌തകം അടച്ചാലും ചില ചോദ്യങ്ങൾ ഉള്ളിൽ അവശേഷിക്കും. അപരിചിതരായ മനുഷ്യർ നമുക്ക് ചിരപരിചിതരാവും. അവരുടെ നിസ്സഹായത നമ്മുടേതുമാകും. കഥയെന്നാൽ ജീവിതം തന്നെയല്ലേ! ഷീല ടോമി

കാലയാഥാർത്ഥ്യങ്ങളുടെ അഭിശപ്തതകളിൽനിന്നുറഞ്ഞുകൂടുന്ന കഥാപരിസരങ്ങൾ. ഗ്രാമജീവിതത്തിൻ്റെ നിശ്ചലതകളും വിഹ്വലതകളും അനാവൃതമാവുന്ന രചനാവൈഭവം.

ജീവിതാവസ്ഥകളുടെ ഉറവിടങ്ങളിലേക്ക് കവാടങ്ങൾ തുറന്നിടുന്ന കലാവൈഭവം. നിത്യജീവിതദൃശ്യങ്ങളും പ്രകൃത്യതീതമായ മായക്കാഴ്ച്ചകളും അനുഭവങ്ങളുടെ നഗ്നതീവ്രതയിൽ തെളിയുന്ന കഥാപ്രപഞ്ചം.