വാക്കുകളുടെ മനോഹാരിതമാത്രം അല്ലല്ലോ കവിത, എല്ലാംകൂടി ഒത്തുചേരുമ്പോൾ അത് ആത്മാവുള്ള കവിതകളാകുന്നു. ഈ കവിതാസമാഹാരത്തിൽ നമുക്ക് ഗൃഹാതുരത മുറ്റിനിൽക്കുന്ന കവിതകൾ ദർശിക്കാനാവും. എവിടെയോ നമ്മുടെയൊക്കെ മനസ്സുകളിൽ തങ്ങിനിൽക്കുന്ന ചിന്തകൾ, വാക്കുകളിലേക്കു രൂപമാറ്റം നല്കാൻ നമുക്കു സാധ്യമാകാത്ത ചിന്തകൾ. ഗ്രാമീണ ദൃശ്യചാരുതകൾ, പ്രണയത്തിൻ്റെ നാനാമുഖങ്ങൾ, വിരഹങ്ങൾ, വിഹ്വലതകൾ, അസ്തിത്വചിന്തകൾ... എല്ലാം നിറഞ്ഞുനിൽക്കുന്ന വരികൾ. പീലിവിടർത്തി ആടുന്ന മയിലിനെപ്പോലെ, കാലികപ്രസക്തിയുള്ള കവിതകൾ....... ഡോ. സുനിത മേരി ജോൺ
