വേടന്റെ നായാട്ട് അധികാരം എന്ന വ്യവസ്ഥയ്ക്ക് നേരെയാണ്. അത് സൃഷ്ടിക്കുന്ന ഭയത്തിനും അപ്രമാദിത്വത്തിനും മേൽക്കോയ്മാ മനോഭാവത്തിനുമെതിരെയാണ്. അത്തരം വിളിച്ചുപറയലുകൾ അധികാരകേന്ദ്രങ്ങളിൽ അസ്വസ്ഥത സൃഷ്ടിക്കുന്നത് സ്വാഭാവികം മാത്രം. തെരഞ്ഞെടുത്ത ജനങ്ങൾ ശരിതെറ്റുകൾ വിളിച്ചുപറയുമ്പോൾ തെരുവിലിട്ട് വെടിവെച്ചുകൊന്ന് കർഫ്യൂ പ്രഖാപിക്കുന്ന വിചിത്ര വ്യവസ്ഥയിൽ വേടന്മാർ രൂപപ്പെടുകതന്നെ ചെയ്യും. അത് കാലത്തിന്റെ കാവ്യനീതിയാണ്.
