മാർലൊയുടെ കൃതികൾ കരിണീപ്രസവംപോലെയാണ്. എന്തെന്നാൽ അദ്ദേഹം ഏറെ കൃതികൾ രചിച്ചിട്ടില്ല എന്നതു തന്നെ. ഉള്ളവയെല്ലാം ഈടുറ്റവ. കയ്പേറിയ ജീവിതത്തെ മധുരീകരിക്കുവാനും സ്വർഗ്ഗതുല്യമാക്കുവാനും ആലോചനാ മൃതമാക്കുവാനും അവയ്ക്ക് കഴിയുന്നു. അർത്ഥപുഷ്‌ടിയും ശ്രവണസുഭഗവുമായ ശബ്ദങ്ങൾ, ചിന്തോദ്ദീപകമായ ആശയങ്ങൾ എന്നീ ഗുണങ്ങളാൽ അവ ഹൃദയഹാരികളാകുന്നു. യൂറോപ്പിൻ്റെ സാംസ്ക്‌കാരികാന്തരീക്ഷത്തെ മുഴുവൻ ഇളക്കിമറിച്ച നവോത്ഥാനപ്രസ്ഥാനത്തിൻ്റെ പ്രതിഫലനം ദൃശ്യമാകുന്ന അത്യപൂർവ്വമായ രചന.